IRUÑEKO UDALA - HERRITARREN SEGURTASUNEKO ALORRA

Iruñeko Gaztelu Plazako udal aparkalekua kudeatzen duen SABA aparcamientos enpresak urtarrilean eskuragarri jarri zituen esku-orri guzti-guztiak gaztelania hutsean zeuden. Honela zioten: "Saba abonos. Escoge el tuyo".

Iruñeko Udaltzaingoak ohar idatziak jarri ditu Aste Santuko jarduera erlijiosoek aparkalekuko irteeran eragina izango dutela jakinarazteko. Oharra gaztelania hutsean idatzita dago. Honela dio: “Aviso, la salida del aparcamiento se va a ver afectada por la celebración de los actos religiosos de Semana Santa”.

Udaltzainek herritarrari eman dioten isunaren boletina (Boletín de denuncia) ez dago euskaraz; ez inprimakia ez udaltzainek bertan idatzitakoa. Herritarra euskaraz zuzendu zaie Udaltzainei eta beraz, jakin bazekiten euskalduna zela.

Iruñeko TAOko makina berrietan, bai eremu urdinekoetan nola laranjakoetan, dena ez dago euskaraz idatzia: 1) Prezioei dagokien atala osorik, 2) isuna baliogabetzeko argibideak eta 3) txartelaren saldoarena. Euskaraz idatzitako testuetan akatsak daude: “markina”, “arabili”.

Ipar Etxabakoitzen, Iruñea etorbideko 41 zenbakiaren pareko autobus geltokian, Barañaingo muga-mugan, dagoen zutikako seinale urdinean "COMARCAL" ageri da; ez da euskarazko ordainik.

Iruñeko Udalak Seminario etxean duen erregistroan hainbat informazio-euskarri zeuden herritarren eskura abuztu hasieran. "Sistema de recarga de vehículos eléctricos" izenburukoa ez zegoen euskaraz, gaztelaniazko bertsioan bakarrik zegoen eskuragarri.

Garabiak autoak eramaten dituenean eranskailu laranja bat jartzen dute gidariari horren berri emateko. Eranskinak gaztelania hutsean du testua; beraz, ez du Iruñeko Udalaren esparruan euskararen erabilpena eta sustapena arautzen dituen ordenantza betetzen.

Iruñeko Udalak kaleak trafikoarentzat ixten dituenean, obrengatik edo beste edozein ekimenengatik (bizikleta-lasterketak, prozesioak, …) gaztelania hutsean jartzen ditu horren berri emateko oharrak.

Iruñeko Udalaren TAOko makinek luzatzen dituzten ordainagirietan euskarazko bertsioan "gauzetkiareb" ageri da gaztelaniazko "prabrisas" hitzaren ordain gisa. Horrez gain, inongo hiztegitan ageri ez den "ordezkagiri" dago "resguardoren" ordain gisa.

Atzo, 23:20 inguruan 092 telefonora deitu nuen laguntza eskatzeko asmoz. Telefonoa hartu zuenak gaztelaniaz egin zuen lehen hitza: “Buenas noches, policía municipal.” Eta nik: “Gabon.” Hark berriz: “Buenas noches, policía municipal” –tonua zakartuz.- “Gabon” nire erantzuna. “BUENAS NOCHES, POLICÍA MUNICIPAL!!- oraingoan oihuka.- Nik berriz ere: “Gabon.” eta azalpen gehiagorik gabe telefonoa eskegi zidan.

Iruñean Cardenal Ilundain ikastetxearen sarreran dagoen zutikako seinalea, “PROHIBIDO PERROS” dioena, ez dago euskaraz idatzia.

Iruñeko Cardenal Ilundain ikastetxearen atzean dagoen ibi iraunkorraren "Vado permanente" seinalea ez dago euskaraz idatzia.

Iruñeko Juan de Goienetxe kaleko 2. zenbakian dagoen zamalanei buruzko seinalean informazio guztia ez dago euskaraz idatzia: “LUNES A VIERNES”, “SABADOS” edo “30 minutos” ageri dira.

Iruñeko Marcelo Zelaieta 119an dagoen ibi iraunkorraren seinalea ez dago euskaraz idatzia.

Iruñeko Cardenal Ilundain ikastetxearen atzealdean bada aparkatzea debekatua dagoela adierazten duen zutikako seinale biribil bat. Gainean “3ª CATEGORIA” dago idatzia, ez dago euskarazko ordainik.

Iruñeko Burgiko Tomas Aita kaleko 1. zenbakiaren parean dagoen zamalanei buruzko seinalean informazio guztia ez dago euskaraz idatzia: “LUNES A VIERNES”, “SABADOS” edo “30 minutos” ageri dira.

Iruñeko Aita Maceda kaleko 5. zenbakian dagoen ibiaren seinalean informazioa ez dago euskaraz idatzia: “VADO DE 8 A 14 Y DE 16 A 20 H. - AYUNTAMIENTO DE PAMPLONA – LIC. MPAL. Nº” baino ez da ageri.

Iruñeko Antsoain kaleko 2. zenbakiaren parean dagoen zamalanei buruzko zutikako seinalean informazio guztia ez dago euskaraz idatzia: “LUNES A VIERNES”, “SABADOS” edo “30 minutos” ageri da eta ez du euskarazko ordainik.

Iruñeko Artika kalean dagoen ibi iraunkorraren seinalea ez dago euskaraz idatzia.

Iruñeko Artika kalearen bukaeran horma batean bada seinale bat ez dagoena euskaraz idatzia. Honakoa ageri da: “¡PELIGRO! CARGA SUSPENDIDA”.

Iruñeko Artika kalearen bukaeran horma batean bada seinale bat ez dagoena euskaraz idatzia; ondokoa ageri da: “ATENCION PASO DE CAMIONES”.

Iruñeko Fitero Monasterioa kalean aparkatzea debekatua dagoela adierazten duen seinalea dago. Inskripzioak ez daude euskaraz idatziak: “SALIDA DE VEHICULOS – PERMANENTE” ageri da.

Iruñeko Tenis elkartearen ondoan dagoen ibi iraunkorraren seinalean informazioa ez dago euskaraz idatzia: “VADO PERMANENTE - AYUNTAMIENTO DE PAMPLONA – LIC. MPAL. Nº” baino ez da ageri.

Iruñeko Artika kalean aparkatzea debekatua dagoela adierazten duen zutikako seinale biribila dago. Azpian duen oharra ez dago euskaraz idatzia: “EXCEPTO RECOGIDA RESIDUOS URBANOS de 8 h. a 15 h.” baino ez da ageri.

Arrotxapea auzoan motozikletendako eta 2 gurpileko ziklomotorrendako soilik den aparkalekua dela dioten zutikako seinaleak daude. Euskarazko testua gaztelaniazkoa baino kolore argiagoarekin dago idatzia eta urrunera irakurtzea zaildu egiten du horrek.

Iruñeko Txantrea auzoan motozikletendako eta 2 gurpileko ziklomotorrendako soilik den aparkalekua dela dioen zutikako seinaleak daude. Euskarazko testua gaztelaniazkoa baino kolore argiagoarekin dago idatzia eta urrunera irakurtzea zaildu egiten du horrek.

Iruñeko Txantrea auzoan bidea emateko adierazten duten zenbait seinale daude, zenbait semafororen azpian, “CON SEMAFORO APAGADO O INTERMITENTE” dioten mezua ez dago euskaraz idatzia.

Iruñeko Anelier pasealekuan Udalaren bizikletak alokatzeko tokian dagoen zutikako seinalean informazioa euskaraz ere badagoen arren, euskarazko testuaren tamaina gaztelaniazkoarena baino txikiagoa da.

Ekaineko uholdeak direla eta, Arrotxapea auzoan, Arga ibaiaren ondoan dagoen farola batean, kaltetutako bizilagunei zuzendutako udaltzaingoaren oharra gaztelania hutsean dago.

Ekaineko uholdeak direla eta, Arrotxapea auzoko etxe bateko atarian kaltetutako bizilagunei zuzendutako udaltzaingoaren oharra gaztelania hutsean ageri da. Ez dago euskarazko ordainik.

Azpilagaña eta Arrosadia, hau da aparkatze mugatuko 3. eremuko auto batean ageri den bizilagun txartel batean informazio ia guztia gaztelanian dago; Sector 3, Tarjeta de residente. Ez dago euskarazko ordainik.

Arrotxapean dagoen Iruñerriko garraioari buruzko bide seinale honek ez du euskararen ordenantza betetzen.

Arrotxapean dagoen aparkatzeko seinale hau gaztelania hutsean dago eta, beraz, ez du betetzen euskararen ordenantza.

Arrotxapea auzoko hiri-garraioko seinale honek ez du euskararen ordenantza betetzen, izan ere gaztelania hutsean baitago.

Sanduzelaiko errotondan hiriko hainbat tokitara joateko oharrak biltzen dituen zutikako seinaleak ez du euskararen ordenantza betetzen. Euskarazko testuak txikiagoak dira eta zailtasun gehiagorekin irakurtzen dira.

Arrotxapea auzoan dagoen Emakumeendako Udal Laguntza Zerbitzuan dagoen afixan euskarazko testua grisez idatzita dago eta zailtasun gehiagorekin irakurtzen da.

Arrotxapea auzoan dagoen Carbonilla Gizarte Ekimenetarako Zentro Komunitarioan dagoen sarrerako afixan euskarazko testua kolore grisean dago eta zailtasun gehiagorekin irakurtzen da.

Iruñeko Udala obrak egiten ari da Errekoleta kalean. Lanen berri emateko jarri duten kartela gaztelania hutsean dago. “Calle cortada por obras” dio.

Iruñeko Udala obrak egiten ari da Campana kalean. Lanen berri emateko ondorengo testua idatzi dute gaztelania hutsean: . “Calle Campana cortada por obras, para acceder a Plaza San Francisco -”.

Iruñeko Udaltzaingoak Labrit inguruan egiten ari diren berrurbanizazio lanetako hesietan jarri dituen ohar fosforitoak gaztelania hutsean daude.

Iruñeko Udaltzaingoak Alde Zaharreko hainbat tabernetan prozesioei lekua egiteko eskatuz banatu duen papera gaztelania hutsean idatzita dago.

Iruñeko Labrit pilotaleku inguruan partidak direnean aparkalekuak erreserbatzen dituzte telebistako kamioiek lekua izan dezaten. Iruñeko Udaleko Herritarren Segurtasuneko Alorrak horren abisua emateko oharrak jartzen ditu Jefes de Sala izenburuarekin. Bada BETI gaztelania hutsean idatzita egoten dira. Lau urte daramatzat kontu hau salatzen.

Iruñeko udalak aparkatzeagatik ematen duen ziurtagiria gaizki idatzita dago euskaraz. "gauzatkiareb" zer demontre den jakiterik ez dago.

Iruñeko Udalak laguntzaileak ipini zituen atzo hauteslekuetan. Iruñeko Hizkuntza Eskolan zeregin horretan ari zen neskak ez zekien euskaraz.

Iruñeko Udalak laguntzaileak ipini zituen atzo hauteslekuetan. Iruñeko Hizkuntza Eskolan zeregin horretan ari zen neskak zeraman identifikazio txartela, Iruñeko Udalaren logoduna, gaztelania hutsean idatzita zegoen.

Iruñeko Udalak leku berezietan aparkatzeko ematen dituen baimenak gaztelania hutsean idatzita egoten dira.

Iruñeko San Pedroko zubiaren ondoan obretan ari dira. Iruñeko Udalak lanen berri emateko jarri duen seinalea gaztelania hutsean dago. Honela dio: “Area de conservación urbana. Conservación de pavimentos. Estamos trabajando para mejorar la ciudad. Perdonen las molestias.”

Iruñeko San Pedroko zubiaren ondoan obretan ari dira. Iruñeko Udalak lanen berri emateko jarri duen seinalea gaztelania hutsean dago, ez du euskarazko ordainik. Honela dio: “Calle cortada por obras”.

Iruñeko San Pedroko zubiaren ondoan obretan ari dira. Iruñeko Udalak lanen berri emateko jarri duen seinalea gaztelania hutsean dago. Honela dio: “¡¡ Peatón!!. Acera en obras. Disculpen las molestias”.

Iruñeko Donibane auzoan Urdazubiko monasterioa kaleak eta Barañaingo etorbideak bat egiten duten tokian zebra-bideak tokiz aldatzeko lanak direla eta Udaltzaingoak zenbait hesitan paratutako oharrak ez daude euskaraz idatziak.