BEC - BILBAO EXHIBITION CENTRE

BECen antolatu berri den Feria del Stock-en izan nintzen. Hizkuntza paisaia erabat erdalduna zen, ez zen euskararik ageri ez azoka iragartzeko kartelean, ez sarreretan, ez megafoniatik hitz egin zuten bakoitzean, ezta lehiaketa batean parte hartzeko banatutako kupoietan ere.

Erreklamazio orri bat aurkeztu nuen BEC-en euskaraz. Euskaraz jaso dut BECeko Kalitate eta Erosketa sailaren zuzendariak nire kexari erantzunez sinatutako idazkia, hori bai, euskara ezin traketsagoan.

Telefonoz deitu dut BEC-era. Makinak gaztelania hutsean erantzun du, ez dit euskaraz egiteko aukerarik eskaini.

Bilbao Exhibition Centren (Barakaldo) urriaren 4tik 6rako BioCultura azoka izango da eta BEC erakustazoka bera da antolatzaileetarik bat. Bada, www.bilbaoexhibitioncentre.com webgunean, are euskarazko [ustezko] bertsioan, gaztelania hutsean ageri da BioCultura azokari dagokion guztia. Kartela ere erdara huts-hutsean dago; orobat, egitaraua.